15:48 08-05-2014
news_image
359
DİGƏR NÖVLƏR

Sloveniyalı velosipedçi: Karyeramda ilk qələbəni qazandım

“Bu qələbə mənim üçün böyük əhəmiyyət kəsb edir”. Apasport.az saytının məlumatına görə, bu sözləri “Tour d’Azerbaidjan-2014” veloyürüşünün bu gün keçirilən ikinci mərhələsinin qalibi sloveniyalı Primoz Roqliç deyib.

 

“Adria Mobil” klubunun üzvü finişə çatdıqdan sonra təşkil olunan mətbuat konfransında qələbəsinə şərh verib: “Çünki karyeramda ilk qələbəmi qazandım. Dağ finişini ötdükdən sonra qalib gələcəyimə əminlik yarandı”.

 

Qeyd edək ki, 2-ci mərhələdə idmançılar Bakıdan İsmayıllıya qədər 187 km qət ediblər.