12:50 02-06-2014
news_image
496
DİGƏR NÖVLƏR

Ərzurumda ilk “onluq”da - FOTO

Türkiyənin Batman şəhərində dağ velosipedi (Mounten Bayk - MTB) üzrə keçirilən “Batman Cup” beynəlxalq turnirinin ardınca idmançılarımız qardaş ölkədə təşkil olunan daha bir yarışda mübarizə aparıblar. Apasport.az saytının məlumatına görə, Beynəlxalq Velosipedçilər İttifaqının (UCİ) təqvim planına əsasən təşkil olunan və çətinlik dərəcəsinə görə 2-ci kateqoriyaya aid edilən bu yarışda da Azərbaycan yığmasının 3 üzvü mübarizə aparıb.

 

Batmanda olduğu kimi, bu dəfə də təmsilçilərimizdən ən yaxşı nəticə Aqşin İsmayılova məxsusdur – o, 1 saat, 40 dəqiqə, 47 saniyə göstərici ilə 30 iştirakçı arasında 10-cu yeri tutub. Bu isə idmançımıza 1 reytinq xalı qazandırıb.

 

Komandamızın digər üzvlərinə gəlincə, Orxan Məmmədov 11-ci, Murad Sultanov isə 12-ci olub.

 

Qeyd edək ki, gələn il ölkəmizin ev sahibliyi edəcəyi ilk Avropa Oyunlarının proqramına dağ velosipedi (Mounten Bayk) də daxildir və bununla əlaqədar Azərbaycan Velosiped İdmanı Federasiyası bu sahənin inkişafını xüsusi diqqətdə saxlayır. Əsas məqsəd idmançılarımızın Avropa Oyunlarında layiqli çıxışına nail olmaqdır.