15:12 19-06-2014
news_image
621
DİGƏR NÖVLƏR

"Tour of İran" davam edir

İranda Beynəlxalq Velosipedçilər İttifaqının (UCİ) 2.1 kateqoriyalı "Tour of İran" veloyürüşü keçirilir. Apasport.az saytının məlumatına görə, 18 yığma və klub komandasının iştirak etdiyi yarışda Azərbaycan yığması 6 velosipedçi ilə təmsil olunur.

Yürüşün Təbrizdən Urmiyaya qədər olan 144.4 km-lik ilk mərhələsində velosipedçilərimizdən ən yüksək nəticəyə "Synergy Baku" kontinental komandasının da şərəfini qoruyan Elçin Əsədov imza atıb - o, finişi 2 saat, 52 dəqiqə, 29 saniyəyə keçən pelotonun içərisində yer alıb və fotofinişə əsasən 21-ci olub.

İsmayıl İlyasov isə eyni vaxt göstəricisi ilə 29-cu yeri tutub.
Urmiyadan Culfaya qədər olan 210.3 km-lik 2-ci mərhələdə də Əsədov komanda yoldaşlarından daha yaxşı çıxış edib. O mərhələ qalibi ilə eyni göstəriciyə imza atsa da, 14-cü yeri tutub - 5 saat, 8 dəqiqə, 42 saniyə.

2 mərhələdən sonra Elçin liderə 16 saniyə uduzmaqla ümumi sıralanmada 14-cüdür. Yarışa iyunun 22-də yekun vurulacaq.