14:11 18-07-2014
news_image
1032
DİGƏR NÖVLƏR

Velosipedçimiz İtaliyada qalib gəldi - FOTO

Dünya kuboku və Avropa çempionatı ərəfəsində çıxışlarını davam etdirən velosiped idmanının trek növü üzrə Azərbaycan yığma komandası İtaliyada birinci kateqoriyalı “Giorni delle Rose” kubokunda iştirak edib. Velosiped İdmanı Federasiyasının mətbuat xidmətindən apasport.az saytına verilən məlumata görə, yığmamızın üzvü Olqa İsmayılova 200 metr məsafəyə sprint yarışlarında bütün rəqiblərini geridə qoyaraq turniri 1-ci pillədə başa vurub və reytinqinə 80 xal əlavə edib. Olqa keyrində də uğurla çıxış edərək 2-ci yeri tutub və reytinqini daha 72 xal artırıb.

Digər velosipedçimiz Yelena Pavluxina sketç üzrə yarışlarda 26 idmançı arasında 12-ci nəticə göstərib. Kişilər arasında sprint yarışlarında isə yığma komandamızın üzvü Sergey Omelçenko 34 nəfər arasında 7-ci olub.