15:32 25-09-2014
news_image
1357
TOP OYUNLARI

Azərbaycan millisinin xilaskarı - Polina Rəhimova!

Qadın voleybolçular arasında dünya çempionatının III turu çərçivəsində Puerto-Riko – Azərbaycan matçının statistikası açıqlanıb. Apasport.az saytının məlumatına görə, mərkəzi amerikalılara 3:2 hesabı ilə qalib gəldiyimiz matçın bombardiri Polina Rəhimova olub.

 

Hücumçumuz məhsuldarlıq nümayiş etdirərək, rəqibdən 32 xal alıb. Komandamızın digər voleybolçularından - Anastasiya Qurbanova 13, Odina Bayramova 10, Kseniya Kovalenko 9, Yelena Parxomenko 6 və Ayşən Abduləzimova 4 xala sevinib.  

 

Rəqibin heyətində isə II turdan sonra bombardirlər siyahısına başçılıq edən Karina Okasio fərqlənib. Amma o, Rəhimovadan 10 top az yığıb – 21 xal.

 

Ümumi komanda hesabında isə yığmamız blokda, servisdə və top qəbulunda Puerto-Rikodan üstün olub. Rəqib isə məğlub olmasına baxmayaraq, 5 setin nəticəsinə əsasən top fərqində millimizi qabaqlayıb – 110:108.

 

Puerto-Rika

Göstəricilər

Azərbaycan

66

Hücum

53

10

Blok

16

3

Servis

4

31

Səhvlər

35

110

Cəmi

108

53

Müdafiə

44

21

Qəbul

24

 

Qeyd edək ki, Azərbaycan millisinin mundialda hər 3 görüşünün bombardiri olan Rəhimovanın aktivində 74 xalı (33, 9, 32) var.