15:53 23-10-2014
news_image
414
TOP OYUNLARI

Rəhmətullahın yürüşü - FOTO

İran İslam Respublikasından olan həvəskar velosipedçi Azad Rəhmətullah "Sülh yürüşü" çərçivəsində Azərbaycana gəlib. Apasport.az saytının məlumatına görə, səyahətə 10 gün öncə başlayan velosipedçi bir neçə gün ölkəmizdə olacaq.

Qonaq bu gün Azərbaycan Velosiped İdmanı Federasiyasının ofisində qurumun baş katibi Fərhad Əliyevlə görüşüb. Azad Rəhmətullahın həyata keçirdiyi "Sülh yürüşü"nü yüksək qiymətləndirən federasiya rəsmisi bu cür tədbirlərin ölkələr və xalqlar arasındakı münasibətlərə müsbət təsir göstərdiyini deyib və iranlı velosipedçiyə Azərbaycanda bu idman növünün son illər ərzində keçdiyi inkişaf yolundan danışıb.

Səmimi qəbul üçün Əliyevə təşəkkürünü bildirən Azad Rəhmətullah qarşıdakı planları haqqında fikirlərini bölüşüb. O qeyd edib ki, həyata keçirdiyi yürüş çərçivəsində Gürcüstan, Türkiyə və bir neçə Avropa ölkəsində də olaraq, 2 ay müddətində velosipedlə ümumilikdə 4000 km məsafə qət edəcək.