18:09 12-12-2014
news_image
911
DİGƏR NÖVLƏR

Peyntbol Federasiyası Heydər Əliyev zirvəsinə yürüş edib - FOTO

Azərbaycan Peyntbol Federasiyası mərhum prezident Heydər Əliyevin anım günü münasibəti ilə Heydər Əliyev zirvəsinə yürüş edib. Apasport.az saytının məlumatına görə, Hava və Ekstremal İdman Növləri Federasiyası ilə birgə təşkil edilən yürüş ölkəmizin ən yüksək yaşayış məntəqəsi olan Xınalıq kəndindən piyada start götürüb, 3751 metr hündürlükdə yerləşən Heydər Əliyev zirvəsində başa çatıb.

 

Mərhum prezidentin vəfatının 11-ci il dönümü münasibəti ilə baş tutan yürüşdə Peyntbol Federasiyasının birinci vitse-prezidenti Nadir Adilov, baş katib Əli Fərzəliyev, baş məşqçi Nicat İsgəndərov, koordinatorlar Cəmilə Abdullayeva və Emil Babayev iştirak edib.


Heydər Əliyev zirvəsində Azərbaycan bayrağı ilə yanaşı, Peyntbol Federasiyasının bayrağı ümummilli lider Heydər Əliyevin xatirəsinə ehtiram əlaməti olaraq dalğalanıb. Peyntbolçular zirvəyə yürüş edən digər iştirakçılarla birlikdə dövlət himinin ucadan oxuyub, mərhum prezidentin xatirəsini bir dəqiqəlik sükutla yad ediblər.

Zirvəyə yürüş edən Peyntbol Federasiyasının nümayəndələri bu gün Fəxri Xiyabanı da ziyarət edərək, ümummilli liderin xatirəsini yad ediblər.