17:12 08-01-2015
news_image
590
DİGƏR NÖVLƏR

Azərbaycan idmançısı Lvov şəhərinin tanıtım reklamında - VİDEO

Velosiped idmanının şose növü üzrə Azərbaycanın Elit yığmasının və "Synergy Baku" kontinental komandasının üzvü Maksim Averin Ukraynanın Lvov şəhərinin tanıtım reklamında yer alıb. Apasport.az saytının məlumatına görə, təmsilçimiz reklam rolikində "Synergy Baku" komandasının formasında çəkilib.

 

Maksim Azərbaycan velospied məktəbinin yetirməsi, 1954-cü ildə Bakıda anadan olan, 1978-ci ildə Dünya Veloturunun qalibi adını qazanmış Aleksandr Averinin oğludu. Ata Averin idmançı karyerasını başa vurduqdan sonra Ukraynanın Lvov şəhərinə köçərək orada yaşamağa başlayıb və Maksim də dünyaya məhz bu şəhərdə göz açıb.

 

Ötən ildən etibarən öz tarixi vətəninin yığmasında və klub komandasında çıxış etməyə başlayan Maksim "Synergy Baku"nun heyətində uğurlu çıxışı ilə Lvovun tanınmış simalarından birinə çevrilib və təsadüfi deyil ki, şəhərin tanıtım reklamına da dəvət alıb.