Oqtay Əsədov yenidən federasiya prezidenti seçildi
31.08.2022 - 12:07
Oqtay Əsədov yenidən federasiya prezidenti seçildi

Bu gün Azərbaycan Tennis Federasiyasının ümumi yığıncağı keçirilib. 

Apasport.az saytı xəbər verir ki, Gənclər və İdman Nazirliyinin inzibati binasında keçirilən tədbirdə yığıncaq iştirakçılarını salamlayan nazir Fərid Qayıbov onlara uğurlar arzulayıb.

Federasiya prezidenti Oqtay Əsədov yığıncaqda çıxış edərək təşkilatın fəaliyyəti və qarşıdakı planlar barədə məlumat verib. Sonra Azərbaycan Tennis Federasiyasının hesabatı dinlənilib yeni seçki keçirilib. Oqtay Əsədov yenidən növbəti müddətə federasiyanın prezidenti seçilib.

Yığıncaqda həmçinin Gülməmməd Cavadov federasiyanın vitse-prezidenti, Mehman Qocayev, Fərid Şirinov, Salam Əsgərəlizadə və Yalçın Manaflı İdarə Heyətinə üzv seçiliblər.

1
DİGƏR XƏBƏRLƏR
Loading...