“Keşlə”nin hücumçusu Pərdis-Fərcad Azad “Sumqayıt”la matçdan sonra apasport.az saytının əməkdaşının da suallarını cavablandırıb.
- Oyun sönük gedirdi sanki...
- Məncə, biz rəqibdən daha yaxşı oynadıq. “Sumqayıt” yaxşı komandadı, top saxlamağı bacarırlar. Ancaq bu gün ardıcıl 2-3 dəqiq ötürmə verə bilmirdilər. Çünki onlara qarşı pressinq tətbiq edirdik. Bu da bizim yaxşı oynadığımızdan xəbər verir.
- Sizcə, bu nəticə finala çıxmağa bəs edəcək?
- Əlbəttə. İlk növbədə, qol buraxmadıq. Çempionlar Liqasında da bunun şahidi olduq ki, futbolda hər şey ola bilər.
- Amma nəzərə alaq ki, o səviyyə ilə bizim oyunlar tam başqadı...
- Təbii ki, elədi. Biz də hələ rahatlaşmırıq. Cavab matçına yaxşı hazırlaşmalıyıq.
- Hesab etmirsən ki, qol məhz Sezar Meza Kollinin fərdi ustalığının nəticəsi idi. Əslində isə 0:0-lıq oyun idi...
- Mən inanırdım ki, o qapıya vursa, qol olacaq.
- Skarlatake cərimə zərbəsi vaxtı ona nə dedi?
- Skarla dedi ki, ötürmə elə. Amma Sezar yaxşı ki, ona qulaq asmadı. Bu qol da oyunun taleyini həll etdi.
- Demək olar ki, final şansınız daha çoxdu?
- Xeyr. “Sumqayıt” 2:0 hesabı ilə qələbə qazansa, biz çıxa bilmirik. Rəqib meydanında da qol vura bilsək, şanslarımız daha yüksək olacaq.
- Klub rəhbərliyi paltardəyişmə otağına gələrək sizi təbrik etdi?
- Xeyr. Amma yəqin ki, cavab matçından sonra finala çıxmaq münasibətilə edəcəklər.
- Mükafatla bağlı söz verilib?
- Bəli. Mükafat da söz verilib, yaxşı məbləğdi.
- Həmin pula görə meydanda can qoymağa dəyər?
- Əlbəttə. Görmədiniz meydanda necə can qoyurduq?
Oxşar xəbərlər
Ana səhifə
Bütün xəbərlər