Bakı - APA-Sport. Rusiyalı atlet İvan Uxov İsveçrənin Lozanna şəhərində təşkil olunan Qran-Pri turnirinə sərxoş qatılıb. “APA-Sport”un məlumatına görə, 22 yaşlı idmançının hərəkətləri şübhəli göründüyündən onu dərhal yarışdan uzaqlaşdırıblar. Yaxın vaxtlarda Uxovun 1 illik diskvalifikasiya ediləcəyi gözlənilir.

Rusiya atletika yığmasının baş məşqçisi Valentin Maslakov yaşanan hadisə ilə bağlı bunları deyib: “Bu, utandırıcı haldır. Uxovun sərxoş ola-ola beynəlxalq turnirdə iştirakı Rusiya atletikasına ləkədir. Federasiyanın iclasında onun idmandan 1 il kənarlaşdırılmasını tələbə edəcəyəm”.

Uxovun şəxsi məşqçisi Pavel Voronkov isə idmançının hansı səbəbdən yarış zamanı alkoqollu içki qəbul etdiyinə aydınlıq gətirib: “Son vaxtlar İvanın şəxsi həyatında problem yaranıb. Əvvəlcə, qız dostu ilə münasibətləri pozuldu, ardından Pekin Olimpiadasına lisenziya qazana bilmədi. Qran-Prinin təşkilatçılarına təzminat ödədik. Fikrimcə, baş verən olay Uxova dərs olacaq”.

• İlham Əliyev: "Azərbaycan gələn il MDB Oyunlarına ev sahibliyi edəcək"
• Milli Paralimpiya Komitəsində yeni təyinatlar olub
• Azərbaycan çempionatının finalı Xankəndidə keçiriləcək
• Üç idmançımız dopinqə görə cəzalandırılıb
• “Fövqəladə hallar uşaqların gözü ilə” XII Respublika uşaq yaradıcılıq müsabiqəsinin qalibləri mükafatlandırılıb - FOTO