Bu gün Bakı şəhərinin “Dünya İdman Paytaxtı” “World Capital of Sports” elan olunmasına həsr edilmiş rəsmi təqdimat mərasimi keçirilib.

Apasport.az xəbər verir ki, tədbir Bakı Şəhər İcra Hakimiyyətinin binasında baş tutub.

Mərasimdə müxtəlif idman federasiyalarının nümayəndələri, eləcə də dövlət qurumlarının rəsmi şəxsləri iştirak ediblər. Tədbirdə gənclər və idman naziri Fərid Qayıbov, Milli Olimpiya Komitəsinin I vitse-prezidenti Çingiz Hüseynzadə, Bakı Şəhər İcra Hakimiyyətinin başçısı Eldar Əzizov və digər rəsmi şəxslər yer alıblar.

Təqdimat zamanı paytaxt Bakının idman sahəsində beynəlxalq nüfuzunun yüksəlməsi, şəhərin nüfuzlu beynəlxalq idman tədbirlərinə uğurla ev sahibliyi etməsi, eləcə də bu istiqamətdə gələcək perspektivlər barədə ətraflı məlumat verilib.

Tədbirdə ACES – Avropa İdman Paytaxtları və Şəhərləri Federasiyasının nümayəndə heyəti də iştirak edib. Qurumun prezidenti Gian Francesco Lupattelli, baş katibi Hugo Alonso, eləcə də Monako Knyazlığının sabiq təhsil, gənclər və idman naziri İzabel Klaudio Aline Bonnal mərasimdə iştirak edən qonaqlar arasında olublar.

Qeyd edək ki, 2025-ci ildə "Dünyanın İdman Paytaxtı" Monako şəhəri olub.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!