Daha əvvəl xəbər verdiyimiz kimi “Neftçi”nin sabiq futbolçusu Freddi Varqas yenidən Bakı klubuna qayıdıb.

Apasport.az xəbər verir ki, venesuelalı yarımmüdafiəçi artıq Azərbaycandadır.

“Neftçi” 27 yaşlı vingerlə 3 illik (2+1) müqavilə imzalayıb.

Onun aylıq maaşının isə 35-40 min dollar olacağı bildirilir.

Freddi Varqas ötən mövsüm icarə əsasında “Neftçi”də çıxış edib. O, 5 qol və 10 məhsuldar ötürmə ilə yadda qalıb.

Qeyd edək ki, Varqas karyerası ərzində Venesuelanın "Deportivo Lara" və "Metropolitanos", ABŞ-ın "Dallas" və "North Texas", İsrailin "Makkabi Bney Reyne" və "Makkabi Netanya" klublarının formasını geyinib. O, Venesuela millisində də 3 oyun keçirib.

“Transfermarkt” portalı futbolçunun dəyərini 900 min avro olaraq qiymətləndirir.

• ÇSKA-ya UEFA-dan sərt cəza – "Qarabağ"la oyuna azarkeşsiz gələcəklər
• “Neftçi”nin Avropa həsrəti başa çatır - YENİLƏNİR
• Bölgə təmsilçisindən müdafiəçi transferi
• “Zirə”dən yeni transfer - RƏSMİ
• "Göztəpə"li sabiq futbolçu "Zirə"də – Rəsmi