Bu gün Kürdəxanı qəsəbəsində inşası davam edən Hünər təlim-məşq bazasının istismara hazır olan təbii örtüklü meydançasının açılış mərasimi keçirilib. 

Apasport.az xəbər verir ki, açılışda “Turan Tovuz” Klubunun İdarə Heyətinin sədri Ehtiram Quliyev, millət vəkili Arzu Nağıyev, Tovuz klubunun rəsmiləri və media nümayəndəndələri iştirak ediblər. 

Qeyd edək ki, ümumi sahəsi 5 hektadan böyük olan Kürdəxanı layihəsində əsas korpusun inşası ilə yanaşı daha 2 təbii örtüklü meydança salınacaq. 

İstismara verilən meydança isinmə hərəkətləri üçün ayrıca təbii ot örtüklü zona, buz hovuzu, sauna, toplantı və iclas zalları, soyunub-geyinmə otaqları, sanitar qovşaq, həkim və masaj otağı, 3 mərtəbədən ibarət izləmə və çəkiliş qülləsi, müasir standartlara uyğun qazanxana, suvarma sistemi ilə təmin olunub.

• APOEL qiymət yüksəltdi - "Qarabağ" transferdən imtina etdi
• "Traktor"un oyunları bu kanalda yayımlanacaq
• "Qəbələ" Futbol Akademiyası fəaliyyətini dayandırdı
• Elçin Məsiyev: "UEFA Hakimlər Komitəsini təəccübləndirdik"
• Jurnalistlərdən ibarət komanda "Star Cup Azerbaijan - Ulduzlar Liqası"nın qalibi olub - FOTO