Türkiyənin Mersin şəhərində keçiriləcək “Tour of Mersin” beynəlxalq velosiped yarışına start verilir. Reytinqli turnirdə Azərbaycanın velosiped idmanı üzrə yığması da iştirak edəcək.

Apasport.az xəbər verir ki, Beynəlxalq Velosipedçilər İttifaqının (UCI) 2.2 kateqoriyalı bu yarışına qlobal səviyyədə geniş tərkibdə iştirakçı qatılacaq.

Yarışda ev sahibi Türkiyə ilə bərabər Azərbaycan, Çin, Böyük Britaniya da daxil olmaqla 20-yə yaxın ölkənin milli yığmaları, eləcə də beynəlxalq klublar yer alacaqlar.

Ölkəmizi bu yarışda Musa Mikayılzadə, Nofəl Nuriyev, Əli Qurbanov, Şahin Eyvazov, Maksim Trendelyov və Tural İsrafilov təmsil edəcək.

Komandaya baş məşqçi Vladimir Buşanski rəhbərlik edəcək.

Fərqli qitələri təmsil edən velosipedçilər Mersin yollarında həm beynəlxalq reytinq xalları, həm də çempionluq uğrunda gərgin rəqabət aparacaqlar.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb