Monteneqronun Budva şəhərində keçirilən gənc boksçular arasında dünya birinciliyi davam edir.

Apasport.az xəbər verir ki, bu gün turnirin 1/4 final mərhələsinin görüşlərinə start verilib. 

Bilalhəbaşi Nəzərov (48 kq) Angel Sober Ruislə (Kuba) qarşılaşıb. Boksçumuz rəqibini 4:1 (28:29, 29:28, 30:27, 30:27, 30:27) hesabı ilə məğlub edib. O, yarımfinalda Osman Çadqurla (Mərakeş) üz-üzə gələcək. 

Əli Abdullayev (63,5 kq) də 1/4 final görüşünü qələbə ilə başa vurub. O, Emmanouil Fotiadisdən (Yunanıstan) üstün olub – 5:0 (28:27, 29:26, 28:27, 28:27, 29:26). Abdullayev növbəti qarşılaşmasında Camel Cemmalla (Fransa) gücünü yoxlayacaq. 

Hər iki boksçumuz yarımfinala yüksəlməklə özləri üçün azı bürünc medalı da təmin ediblər. 

Qeyd edək ki, sabah daha 4 boksçumuz 1/4 final qarşılaşmasına çıxacaq.

• 21 boksçumuz Avropa çempionatında çıxış edəcək
• Azərbaycanı U-19 Avropa çempionatında doqquz boksçu təmsil edəcək
• Azərbaycanın oğlanlardan ibarət boks millisi Avropa çempionatında üçüncü yeri tutub
• Vüsal Nəsirli Peşəkar Boks Federasiyasının yeni prezidenti vəzifəsinə təyin olunub
• İstamov Avropa çempionu oldu