Gürcüstanın paytaxtı Tbilisidə keçirilən böyüklər arasında Avropa çempionatına start verilib.

Apasport.az xəbər verir ki, ilk yarış günündə 7 idmançımız tatami üzərinə çıxıb.

60 kiloqram çəki dərəcəsində çıxış edən Azərbaycan cüdoçusu Balabəy Ağayev 1/4 finalda ukraynalı Dilşot Kalmatovla qarşılaşıb. Rəqibini ipponla üstələyən cüdoçu yarımfinala vəsiqə qazanıb.

O, yarımfinalda Giorgi Sardalaşviliyə (Gürcüstan) ilə qarşılaşacaq.

1/4 finalda uduzan Turan Bayramov (66 kiloqram) isə təsəlliverici görüşə vəsiqə qazanıb.

Qeyd edək ki, aprelin 19-dək davam edəcək mötəbər turnirdə 46 ölkədən 400 idmançı qüvvəsini sınayır.

**

14:55

Balabəy Ağayev Gürcüstanın paytaxtı Tbilisidə keçirilən Avropa çempionatında finala vəsiqə qazana bilməyib.

60 kq çəki dərəcəsində mübarizə aparan idmançı yarımfinalda Giorgi Sardalaşviliyə (Gürcüstan) uduzub. Həmyerlimiz üçüncü yer uğrunda görüşə çıxacaq.

• Hidayət Heydərov və Nizami İmranov Olimpiya Təlim Düşərgəsinə qatılıblar
• Bakıda BCF Akademiyasının cüdo məşqçiliyi üzrə sertifikat proqramına başlanılıb
• Azərbaycan cüdoçuları Almatıda təlim-məşq toplanışında iştirak edir
• Təmsilçilərimiz Avropa Kubokunu 7 medalla başa vurublar
• Təmsilçimiz Avropa Kubokunda üçüncü olub