Bu gün Bolqarıstanın paytaxtı Sofiyada yeniyetmə cüdoçular arasında Avropa çempionatında komanda yarışları keçirilib.

Apasport.az xəbər verir ki, çempionatda 17 ölkə medallar uğrunda mübarizə aparıb.

Azərbaycan komanda yarışlarında 11 idmançı ilə təmsil olunub. Yığmamızın ilk görüşdə uğursuz çıxış edib. Cüdoçularımız Niderland yığmasına 1:4 hesabı ilə uduzub. 

Bundan sonra təsəlliverici görüşlərə qatılan yığmamız İtaliyaya (4:1) qalib gəlsə də, Polşaya uduzub (3:4).

Komandanın heyətində oğlanlarda Fərid Qarayev, Nihad Rəhimov (hər ikisi 60 kq), Mehdi Abbasov (81 kq), Əli Qazıməmmədov (90 kq), Eyvazlı Hüseyn və Sübhan Axundov (hər ikisi +90 kq), qızlarda Diana Eldarova, Nuranə Hacızadə (hər ikisi 48 kq), Aytən Verdiyeva, Vüsalə Hacıyeva (hər ikisi 63 kq) və Mələk Bayramlı (+63 kq) yer alıblar.

Qeyd edək ki, Azərbaycan yığması fərdi yarışlarda 1 qızıl, 1 gümüş və 2 bürünc medal qazanıb.

• Yeniyetmə cüdoçularımız Teplitse Avropa Kubokunda mübarizə aparacaq
• Cüdoçularımız Dubrovnik Avropa Kuboku turnirində iştirak edəcək
• Azərbaycanın 13 cüdoçusu Avropa kubokunda mübarizə aparacaq
• Cüdoçumuz dünya sıralamasında yerini qoruyub
• Gənc cüdoçularımız beynəlxalq təlim-məşq toplanışına qatılıblar