Azərbaycan cüdoçusu Hidayət Heydərov Birləşmiş Ərəb Əmirliklərinin paytaxtı Əbu-Dabidə keçirilən cüdo üzrə dünya çempionatında finala yüksəlib.

Apasport.az xəbər verir ki, 73 kiloqramda mübarizə aparan idmançı yarımfinalda almaniyalı İqor Vandtkeni məğlub edib. Onun həlledici qarşılaşmada rəqibi Tatsuki İşihara (Yaponiya) – Ankzaya Lavjarqal (Monqolustan) cütünün qalibi olacaq.

Bu gün tatamiyə çıxan digər Azərbaycan cüdoçuları - Yaşar Nəcəfov, Kamran Süleymanov (hər ikisi 66 kiloqram) və Açelya Toprak (57 kiloqram) yarışı medalsız başa vurublar.

Qeyd edək ki, dünya çempionatı mayın 23-də başa çatacaq.

• Cüdoçumuzdan Avropa Kubokunda gümüş medal
• Yaponiya millisi Bakı-2026 dünya çempionatı üçün heyətini açıqlayıb
• Cənub bölgəsi üzrə U-17 yeniyetmələr arasında region birinciliyi keçirilib
• Bakıda keçiriləcək cüdo üzrə dünya çempionatının rəsmi loqosu təqdim olunub
• Yardımlıda kəmər dərəcələri üzrə rəsmi imtahan keçiriləcək