“Çox şadam ki, buradayam. Sevincimin həddi-hüdudu yoxdur”.

“Apasport”un əməkdaşının məlumatına görə, bu sözləri azərbaycanlı UFC döyüşçüsü Tahir Abdullayev deyib.

O, döyüş gecəsi ilə bağlı fikirlərini bildirib: “Çox sevinirəm ki, yerli azarkeşlər öz təmsilçilərini dəstəkləyirlər. Bu çəkidə güclü döyüşçülər çoxdur. Onların əksəriyyəti boy olaraq məndən daha hündür ola bilərlər. Amma mən daha güclüyəm. Güləşi bacarıram, amma güləşməyi sevmirəm. Bu, çox sıxıcı strategiyadır. Lakin lazım gəlsə, rəqibimə Masallı ciu-citsunu göstərərəm (gülür)”.

Tahir rəqibinin dəyişməsindən söz açıb: “ABŞ-də təlim-məşq toplanışında idim. Mənə Abu-Dabidə başqa rəqiblər döyüşəcəyimi demişdilər. Daha sonra Bakı variantı çıxdı və bura qayıtdım. Rəqibin kimliyinin isə fərqi yoxdur”.

Qeyd edək ki, UFC Bakı tədbiri iyunun 27-də Milli Gimnastika Arenasında baş tutacaq.

• Arman Tsarukyandan növbəti nokaut – UFC-də 11-ci qələbə
• Akif Quluzadə yenidən rinqə çıxır – Döyüş Banqkokda olacaq
• Azərbaycanlı döyüşçü UFC müqaviləsi üçün finalda – Rəqibi qırğız olacaq
• Azərbaycanın MMA idmançıları dünya çempionatında gümüş medallar qazanıblar
• İan Qerri: “Karyeramın ən yaxşı döyüşünü keçirdim”