İtaliyanın Genuya şəhərində keçirilən qılıncoynatma üzrə Avropa çempionatında növbəti yarış gününə yekun vurulub.

Apasport.az xəbər verir ki, bu gün qılıncoynatmanın sablya növü üzrə qadınların komanda yarışında qaliblər müəyyənləşib.

Səbinə Kərimova, Palina Kaspiaroviç və Zərifə Hüseynovadan ibarət yığmamız 1/16 finalda Almaniya millisi ilə qarşılaşıb. 43:45 hesabı ilə uduzan qılıncoynadanlarımız 9-16-cı yerlər uğrunda mübarizə aparıblar. Əvvəlcə Yunanıstan yığmasına 42:45 hesabı ilə məğlub olan komandamız Böyük Britaniya sablyaçılarına 45:31 hesabı ilə qalib gəlib.

Yekunda millimiz Avropa çempionatını 11-ci pillədə başa vurub.

• Pereyra revanş aldı - UFC KƏMƏRİNİ GERİ QAYTARDI
• Millimiz MDB Oyunlarında bürünc medal qazanıb - YENİLƏNİB
• III MDB Oyunları: Azərbaycan millisi bürünc medal qazanıb
• Azərbaycan qılıncoynadanı III MDB Oyunlarında bürünc medal qazanıb - FOTO
• III MDB Oyunları: Daha bir Samboçumuz fəxri kürsüdə yerini alıb