Formula 1 yarışları 33 illik fasilədən sonra yenidən Afrika qitəsində keçiriləcək.

Apasport.az xəbər verir ki, bu barədə Formula 1-in rəsmi saytı məlumat yayıb.

Qurum Ruanda ilə 10 illik müqavilə imzalandığını açıqlayıb.

Razılaşmaya əsasən, Ruandanın Bugesera bölgəsində yeni yarış trası inşa ediləcək. İlk Qran-prinin 2030-cu illərin əvvəllərində keçirilməsi planlaşdırılır.

Formula 1-in prezidenti və baş icraçı direktoru Stefano Domenikali razılaşmanı çempionatın tarixində əlamətdar hadisə kimi qiymətləndirib.

Qeyd edək ki, Afrika qitəsində sonuncu Formula 1 yarışı 1993-cü ildə Cənubi Afrika Respublikasının Kyalami trasında keçirilib.

• “Formula 1”: Qaliblər mükafatlandırıldı
• “Formula 1”: Rassell Bakıda çempion oldu
• “Formula 1”: Norris mübarizəni dayandırdı
• “Formula 1”: Albonun bolidi sıradan çıxdı
• İlham Əliyev və birinci xanım Mehriban Əliyeva "Formula 1" üzrə Azərbaycan Qran-Prisinin əsas yarışına baxırlar