Bədii gimnastika üzrə Azərbaycan millisinin üzvlərinin Neftçalada nümunəvi çıxışları olub.

Azərbaycan Gimnastika Federasiyasından apasport.az-a verilən məlumata görə, böyük fərdi gimnastlar Zöhrə Ağamirova, Kamilla Seyidzadə, İlona Zeynalova, Mədinə Dəmirova, gənc fərdi gimnastlar Gövhər İbrahimova, İlahə Bahadırova, Fidan Qurbanlı, Şəms Ağahüseynova, eləcə də böyüklərdən ibarət qrup hərəkətləri komandanın üzvləri Ləman Əlimuradova, Yelizaveta Luzan, Zeynəb Hümmətova, Güllü Ağalarzadə, Kamilla Əliyeva və Darya Sorokina Neftçala Olimpiya İdman Kompleksində performanslarını nümayiş etdiriblər.

Gimnastlar ahəngdar və sinxron hərəkətləri izləyicilər tərəfindən böyük maraqlı qarşılanıb.

Çıxışlardan əvvəl idmançılar kompleksin yaşıl sahəsində ağacəkmə mərasimində iştirak ediblər.

Qeyd edək ki, çıxışlar mayın 22-26-da Macarıstanın paytaxtı Budapeştdə keçiriləcək Avropa çempionatına hazırlıq xarakteri daşıyır.

• Bu gün batut və tamblinq üzrə ölkə çempionatı start götürəcək
• Azərbaycan gimnastları Dünya Kuboku və AGF Trophy yarışlarında üç qızıl medal qazanıblar
• Azərbaycanın akrobatika gimnastları Bakıda keçirilən Dünya Kubokunun qalibi olublar
• Dünya kubokunda final: Gimnastlarımız üçün medal şansı
• Akrobatika və aerobika gimnastikası üzrə beynəlxalq turnirdə ikinci gün başa çatıb