Milli Gimnastika Arenasında idman gimnastikası üzrə FIG Dünya Kuboku keçirilib.

Apasport.az xəbər verir ki, yarışda 30-dan çox ölkədən idmançı iştirak ediblər.

Azərbaycanı kişilər arasında Nikita Simonov, Aydın Əlizadə və Rəsul Əhmədzadə, qadınlar arasında isə Dəniz Əliyeva və Nazənin Teymurova təmsil ediblər.

Yarışın ilk iki günü təsnifat mərhələsinə, son iki günü isə final çıxışlarına həsr olunub. Təsnifatın nəticələrinə əsasən Nikita Simonov, Dəniz Əliyeva və Aydın Əlizadə final mərhələsinə vəsiqə qazanıblar.

Final mərhələsində isə Azərbaycan gimnastları mükafatçılar sırasına düşə bilməyiblər. Nikita Simonov yarışı 4-cü, Dəniz Əliyeva 6-cı, Aydın Əlizadə isə 8-ci pillədə başa vurub.

Dörd gün davam edən yarış ərzində tamaşaçılar üçün müxtəlif interaktiv əyləncə proqramları da təşkil olunub. Arenada yarışların maskotları Tilli və Cilli də tamaşaçılarla birlikdə əylənərək idmançılara dəstək veriblər.

Beləliklə, dörd gün davam edən idman gimnastikası üzrə FIG Dünya Kuboku uğurla başa çatıb.

• Dünya kubokunda final: Gimnastlarımız üçün medal şansı
• Akrobatika və aerobika gimnastikası üzrə beynəlxalq turnirdə ikinci gün başa çatıb
• Gimnastlarımız Avropa çempionatında iştirak edib
• Dünya Kubokunda iştirak edəcək ölkələr müəyyənləşib
• Bakıda keçiriləcək akrobatika gimnastikası üzrə Dünya Kubokunda 11 ölkə iştirak edəcək