Azərbaycanın bədii gimnastları Monteneqronun Budva şəhərində keçirilmiş “Montenegro Cup” beynəlxalq turnirində uğurla çıxış ediblər.

Apasport.az xəbər verir ki, yığma üzvləri 6 qızıl, 5 gümüş və 6 bürünc olmaqla, ümumilikdə 17 medal qazanıblar.

Böyüklər arasında Mədinə Dəmirova halqa və gürzlərdə qızıl, lent və toplarla hərəkətdə gümüş, Zəhra Cəfərova isə halqa və lent proqramında bürünc mükafata sahib çıxıb.

Gənclərin yarışında Nilufər Oruclu B kateqoriyasında halqa və toplarla çıxışda fəxri kürsünün ən yüksək pilləsinə qalxıb. Şəms Müvəffəqi topla birinci, gürzlər və lentlə ikinci, halqada isə üçüncü yeri tutub. Mədinə Abbaslı isə top, gürzlər və lentlərlə hərəkətlərin icrasında bürünc mükafata yiyələnib.

Yeniyetmələrin mübarizəsində Nur Sadıqova və Məryəm Baloğlanova gürzlərdə qüvvəsini sınayıblar. Onlar müvafiq olaraq, qızıl və gümüş medal əldə ediblər.

• Bu gün batut və tamblinq üzrə ölkə çempionatı start götürəcək
• Azərbaycan gimnastları Dünya Kuboku və AGF Trophy yarışlarında üç qızıl medal qazanıblar
• Azərbaycanın akrobatika gimnastları Bakıda keçirilən Dünya Kubokunun qalibi olublar
• Dünya kubokunda final: Gimnastlarımız üçün medal şansı
• Akrobatika və aerobika gimnastikası üzrə beynəlxalq turnirdə ikinci gün başa çatıb