Yaponiyanın Yokohama şəhərində keçiriləcək aerobika gimnastikası üzrə Dünya Kubokunda iştirak edəcək Azərbaycan təmsilçiləri bəlli olub.

Apasport.az Azərbaycan Gimnastika Federasiyasının mətbuat xidmətinə istinadən xəbər verir ki, yığma yarışda üç növdə mübarizə aparacaq.

Dilarə Qurbanova (fərdi), Mədinə Mustafayeva və Vladimir Dolmatov (qarışıq cütlük), Dilarə Qurbanova, Vladimir Dolmatov və Mədinə Mustafayeva (üçlük) turnirdə çıxış edəcəklər.

Onlar məşqçi Mariyan Kolevin rəhbərliyi altında bacarıqlarını göstərməyə çalışacaqlar. Lalə Hüseynova isə yarışa hakim kimi təyinat alıb.

Qeyd edək ki, Dünya Kuboku mayın 25-26-da baş tutacaq.

• Tofiq Əliyevdən daha bir uğur: DÜNYA KUBOKUNUN QALİBİ OLDU
• “Nebesnaya Gratsiya” komandası III MDB Oyunlarında iştirak edəcək
• Gimnastlarımız MDB Oyunlarını 6 medalla başa vurublar
• Gimnastımız ikiqat Olimpiya çempionunu üstələdi - ÇEMPİON OLDU
• III MDB Oyunları: Azərbaycan gimnastları gümüş medal qazanıb - FOTO