Beynəlxalq Gimnastika Federasiyası (FIG) Rusiya gimnastlarına qoyulan qadağanı aradan qaldırıb. 

Apasport.az xəbər verir ki, qurum idmançıların beynəlxalq turnirlərdə milli bayraq və himnlə iştirakına icazə verib.

Qərar “World Gymnastics”in Misirin Şarm əl-Şeyx şəhərində keçirilən İcraiyyə Komitəsinin iclasında qəbul olunub.

Rusiya təmsilçiləri idman gimnastikası, bədii gimnastika, batut gimnastikası, idman akrobatikası və idman aerobikası üzrə yarışlarda milli simvollarla çıxış edə biləcəklər.

Qeyd edək ki, daha öncə Dünya Güləş Federasiyası da həmin qadağanı aradan qaldırmışdı.

• Bədii gimnastika üzrə Bakı çempionatı keçiriləcək
• Birinci vitse-prezident Mehriban Əliyeva bədii gimnastika üzrə Avropa kubokunu izləyib
• Təmsilçilərimiz Çexiyada beynəlxalq turnirdə qızıl medal qazanıblar
• Batut gimnastikası və tamblinq üzrə Bakı çempionatı keçiriləcək
• Şükrü Yılmazın rəhbərlik etdiyi nümayəndə heyəti Milli Gimnastika Arenasında olub