Bədii gimnastika üzrə “Montenegro Cup” beynəlxalq turniri başa çatıb.

Apasport.az xəbər verir ki, Azərbaycan yığması turnirdə 17 medal qazanıb.

Böyüklərin arasında Mədinə Dəmirova halqa, gürzlər, lent və topla çıxışda turniri 2 qızıl və 2 bürünclə başa vurub. Zərha Cəfərova isə halqa və lentlə bürünc qazanıb.

Gənclər gimnastların çıxışı zamanı Nilufər Oruclu 2 qızıl (halqa və top), Şəms Müvəffəqi 1 qızıl, 2 gümüş və 1 bürünc (top, gürzlər, lent və halqa), Mədinə Abbaslı isə 3 bürünc (top, gürzlər və lent) əldə edib.

Yeniyetmələr arasında isə Nur Sadıqova qızıl, Məryəm Baloğlanova bürüncə sahib çıxıb. Hər iki gimnast gürzlərlə çıxışda bu uğura nail olub.

Qeyd edək ki, millimiz “Montenegro Cup”da ümumilikdə 6 qızıl, 5 gümüş və 6 bürünc medal qazanıb.

• Azərbaycan gimnastları SCALABISCUP beynəlxalq turnirini 12 medalla başa vurublar
• Azərbaycan komandası "European Gym for Life Challenge" festivalında birinci olub
• Gimnastlarımızdan Dünya kubokunda qızıl medal
• Bu gün batut və tamblinq üzrə ölkə çempionatı start götürəcək
• Azərbaycan gimnastları Dünya Kuboku və AGF Trophy yarışlarında üç qızıl medal qazanıblar