İspaniyanın Linares şəhərində qadın şahmatçılardan ibarət komandalar arasında dünya çempionatında 1/4 finalçılar məlum olub. 

Apasport.az xəbər verir ki, Azərbaycanın millisi dünya çempionatında növbəti oyununu qələbə ilə başa vurub.

Milli IV turda İspaniya komandası ilə qarşılaşıb və görüşdən 3,5:0,5 hesabı ilə qalib ayrılıb.

Bu nəticə sayəsində Azərbaycan millisi 1/4 finala yüksəlib. Şahmatçılarımız bu mərhələdə Gürcüstanla üz-üzə gələcək.

Komandanın heyətində Ülviyyə Fətəliyeva, Gövhər Beydullayeva, Xanım Balacayeva, Gülnar Məmmədova və Ayan Allahverdiyeva çıxış edib. Millinin kapitanı İlahə Qədimovadır.

Qeyd edək ki, dünya çempionatına noyabrın 23-də yekun vurulacaq.
#azechess

• Qadın şahmatçılarımız erməni rəqiblərinə məğlub oldular
• Azərbaycan milliləri Olimpiadada VII tura çıxır – Qadınlarımız Ermənistanla qarşılaşacaq
• AŞF rəsmisi İlahə Qədimova Ümumdünya Şahmat Olimpiadasında seans keçirib
• Şəhriyar Məmmədyarov 12 yaşlı qrossmeysterlə heç-heçə etdi
• Şahmat Olimpiadası başlayır – millimizin rəqibləri bəlli oldu