Argentina millisinin kapitanı Lionel Messi növbəti tarixi rekorda imza atıb.

Apasport.az xəbər verir ki, 39 yaşlı hücumçu DÇ-2026-nın J qrupunda Avstriya ilə matçda fərqlənərək dünya çempionatlarındakı qollarının sayını 17-yə çatdırıb.

Bununla da Messi Almaniya millisinin sabiq hücumçusu Miroslav Klozeni geridə qoyaraq dünya çempionatları tarixinin ən məhsuldar futbolçusuna çevrilib. Klozenin hesabında 16 qol var idi.

Qeyd edək ki, Messi mundiallarda ilk qolunu 2006-cı ildə Serbiya və Monteneqroya qarşı oyunda vurub. Argentinalı ulduz 2006, 2010, 2014, 2018, 2022 və 2026-cı illər dünya çempionatlarında meydana çıxıb.

• Vinisius ulduzlaşdı - Matçın ən yaxşısı seçildi
• DÇ-26-nın ən sürətli qolu - Mərakeş 70 saniyəyə fərqləndi
• İsveçrə - Bosniya və Herseqovina: 74-dən sonra 5 qol
• Ronaldonun sükutu - 10 oyunluq qol həsrəti
• Qardaşını geridə qoydu - Qana millisində tarixi rekord