Gürcüstanda taekvondo üzrə açıq Batumi beynəlxalq turniri keçirilib.

Apasport.az xəbər verir ki, Azərbaycan idmançıları yarışı 3 medalla başa vurublar.

“İrəvan”ın taekvondoçularından Dərya Hüseynova (27 kq) və Aydan Hüseynova (33 kq) kiçiklər arasında qızıl, Xəzər Salahlı (53 kq) yeniyetmələr arasında bürünc mükafata sahib olub.

Qeyd edək ki, qızıl medal qazanan bacılar Dərya və Aydan Hüseynovalar 44 günlük Vətən müharibəsində qəhrəmancasına şəhid olmuş, Cəbrayıl uğrunda gedən döyüşlərin iştirakçısı Elbrus Hüseynovun övladlarıdır. Dərya ötən il Albaniyanın paytaxtı Tiranada keçirilən kiçiklər arasında Avropa birinciliyində 24 kq çəkidə çempion olaraq Azərbaycanın bayrağını ucaldıb.

• Parataekvondoçularımız Münhendə Avropa çempionatında
• 9 taekvondoçumuz Avropa çempionatında çıxış edəcək
• Gürcüstanda Azərbaycan uğuru: Taekvondoçularımızdan 4 medal
• Taekvondo üzrə yeniyetmələr arasında ölkə birinciliyi keçiriləcək
• Azərbaycanı taekvondo üzrə gənclər arasında dünya birinciliyində 15 idmançı təmsil edəcək