Azərbaycanın taekvondo üzrə böyüklərdən ibarət millisi dünya çempionatına son hazırlıq mərhələsini tamamlayıb.

Apasport.az xəbər verir ki, taekvondoçular oktyabrın 7-dən 17-dək Qubada keçirilən təlim-məşq toplanışında iştirak edib.

Böyüklərdən ibarət millinin baş məşqçisi Məmməd Abdullayev, böyük məşqçi Elnur Amanov və məşqçi Günay Zeynalovanın rəhbərliyi ilə keçirilən toplanış oktyabrın 24–30-da Çinin Uşi şəhərində təşkil olunacaq dünya çempionatına hazırlığın son mərhələsini təşkil edib.

Qeyd edək ki, dünya çempionatında Azərbaycanı doqquz idmançı (yeddi kişi və iki qadın) təmsil edəcək.

• Azərbaycanın taekvondo milliləri Astanada iki beynəlxalq yarışda mübarizə aparacaqlar
• Taekvondoçumuzdan bürünc medal
• Azərbaycan taekvondoçusu klublararası Avropa çempionatında bürünc medal qazanıb
• Azərbaycan taekvondoçuları klublararası Avropa çempionatında 6 medal qazanıblar
• Beynəlxalq turnirlərdə medal qazanan parataekvondoçularla görüş keçirilib