Azərbaycan millisinin taekvondoçusu Cavad Ağayev Avropa çempionatını bürünc medalla başa vurub. 

Apasport.az xəbər verir ki, 74 kq çəkidə mübarizə aparan idmançımız Serbiyanın paytaxtı Belqradda keçirilən yarışda fəxri kürsünün üçüncü pilləsinə qalxıb. 

O, Nimrod Krivişski (İsrail), Sebastian Tune (Norveç) və Strainja Milinkoviçə (Serbiya) 2:0 hesabı ilə qalib gələrək yarımfinala vəsiqə qazanıb. Ağayev bu mərhələdə ispaniyalı Daniel Quesada ilə qarşılaşıb. Görüşdə rəqib 2:0 hesabı ilə qalib gəldiyindən taekvondoçumuz bürünc medala yiyələnib. 

Qeyd edək ki, Ağayevdən öncə Qaşım Maqomedov (58 kq) da 3-cü yeri tutub.

• Azərbaycanın taekvondo milliləri Astanada iki beynəlxalq yarışda mübarizə aparacaqlar
• Taekvondoçumuzdan bürünc medal
• Azərbaycan taekvondoçusu klublararası Avropa çempionatında bürünc medal qazanıb
• Azərbaycan taekvondoçuları klublararası Avropa çempionatında 6 medal qazanıblar
• Beynəlxalq turnirlərdə medal qazanan parataekvondoçularla görüş keçirilib