“Yarışa hazırlıq prosesimiz federasiyadakı məşq bazasında davam edir".

Apasport.az xəbər verir ki, bunu Şimali Makedoniya və Xorvatiyada təşkil olunacaq XVIII Avropa Gənclər Yay Olimpiya Festivalında (EYOF) iştirak edəcək Azərbaycan taekvondoçusu Xuraman Cavadzadə deyib.

44 kq-da dayanq üzərinə çıxacaq idmancı Milli Olimpiya Komitəsinin rəsmi saytına yarış öncəsi fikirlərini açıqlayıb: "Təlim-məşq toplanışları və il ərzində iştirak etdiyim yarışlar mənim üçün festival öncəsi yüksək formada olmağa imkan yaradıb. Çalışacağam ki, bu mötəbər yarışda ölkəmizi layiqincə təmsil edərək medal uğrunda əzmlə mübarizə aparım".

Qeyd edək ki, taekvondo yarışları ilk dəfə EYOF yarışlarının təqvim planında yer alıb. Skopye Bədən Tərbiyəsi Universitetində keçiriləcək taekvondo yarışlarında ölkəmiz 5 oğlan və 3 qız idmançı ilə təmsil olunacaq.

• ATF nümayəndəsi beynəlxalq turnirdə Təşkilat Komitəsinin rəhbəri olacaq
• Parataekvondoçularımız Türkiyədə təlim-məşq toplanışına başlayıb
• Taekvondoçularımız Qazaxıstan və Özbəkistanda 6 medal qazanıblar
• ATF-nin təşkilatçılığı ilə dan imtahanı keçiriləcək
• Azərbaycan Taekvondo Federasiyasının rəsmisi Koreyaya səfər edib