Bakı. Kənan Həsənov-APA-Sport. Türkiyə voleybol Superliqasında növbəti turun oyunları keçirilib. “APA-Sport” agentliyinin məlumatına görə, milli komandamızın sabiq üzvü İnessa Qorxmazın şərəfini qoruduğu “Əczaçıbaşı Zentiva” klubu doğma meydanda “Türk Telekom”la qarşılaşıb. Gərgin mübarizə şəraitində keçən görüş meydan sahiblərinin 3:0 (25:21, 25:20, 26:24) hesablı qələbəsi ilə başa çatıb. Son qarşılaşmalarda əsas heyətdə mübarizə aparan İ.Qorxmaz bu dəfə oynamayıb. Keçirdiyi 19 oyunda 17 qələbə qazanan “Əczaçıbaşı Zentiva” 51 xalla liderliyini möhkəmləndirib. Milli komandamızın üzvləri Oksana Quliyeva ilə Valeriya Korotenkonun çıxış etdiyi, 45 xalla üçüncü pillədə qərarlaşan “Fənərbaxça Acibadem” isə bu gün səfərdə “Vakıfbank Günəş Sığorta” klubu ilə qarşılaşacaq.

• “Xilasedici” oyunçusu ilə müqavilə yeniləyib
• Kişi voleybolçular arasında Azərbaycan Yüksək Liqasında yeni mövsümə start verilir
• Yüksək Liqa: UNEC "Milli Aviasiya Akademiyası”nı məğlub etdi
• Qadın voleybolçular arasında Yüksək Liqaya start verilib - FOTO
• Voleybol üzrə Azərbaycan çempionatında yeni mövsüm bu gün başlayır