Bakı. Kənan Həsənov - APA-Sport. Birləşmiş Ərəb Əmirliklərinin paytaxtı Abu-Dabidə keçirilən beynəlxalq turnirin təşkilatçıları ən yaxşı qadın voleybolçuların adlarını açıqlayıb. “APA-Sport” agentliyinin məlumatına görə, ilk dəfə təşkil olunan yarışda 7-ci yeri tutan Azərbaycan milli komandasının üzvləri fərqləndirilənlər siyahısında yer almayıblar. Turnirin ən dəyərli oyunçusu, finalda Kubaya uduzaraq ikinci olan Hollandiya yığmasının lideri Manon Flir seçilib. Erika Merloya (İtaliya) ən yaxşı libero, Yanelis Santosa (Kuba) ən yaxşı oyun qurucusu, Nadya Çentoniyə (İtaliya) ən yaxşı hücumçu üçün təsis edilən mükafat verilib.

• “Xilasedici” oyunçusu ilə müqavilə yeniləyib
• Kişi voleybolçular arasında Azərbaycan Yüksək Liqasında yeni mövsümə start verilir
• Yüksək Liqa: UNEC "Milli Aviasiya Akademiyası”nı məğlub etdi
• Qadın voleybolçular arasında Yüksək Liqaya start verilib - FOTO
• Voleybol üzrə Azərbaycan çempionatında yeni mövsüm bu gün başlayır