“Şamaxı”nın sabiq baş məşqçisi Yunis Hüseynovun işsiz günləri geridə qalıb.

Apasport.az saytının məlumatına görə, AFFA tanınmış futbol veteranına yeni vəzifə tapşırıb.

O, federasiya həyata keçirdiyi Elit-Məşq layihəsinin rəhbərliyinə gətirilib. Hüseynov bu postda Miloş Velebiti əvəzləyib.

Son 3 ili Azərbaycanda keçirmiş serbiyalı Elit-Məşq proqramına nəzarət etməklə yanaşı, U-19 yığmasını çalışdırıb. AFFA-nın müqaviləsini uzatmadığı balkanlı mütəxəssis Taylanda yollanıb.

Yunis Hüseynova gəlincə, o, 2 ilə yaxın idi çalışmırdı. AFFA-nın təqdimatı ilə “Şamaxı”ya üz tutmuş “Neftçi”nin yetirməsi ondan öncə də federasiyada Texniki direktor Bernard Lippertin köməkçisi vəzifəsini yerinə yetirib (sportinfo.az).

• Dünya Təsnifat Turniri: Güləşçilərimizin rəqibləri müəyyənləşdi
• "Zirə" liderlik kreslosunu buraxmadı - YENİLƏNİB
• Namibiya Milli Olimpiya Komitəsinin prezidenti: "Azərbaycandan öyrənəcəyimiz çoxlu şeylər var"
• "Bakı" və "Azəryol" Azərbaycan Kubokunun finalında qarşılaşacaqlar
• “Qarabağ” üçün mükafatlandırma mərasimi