Estoniyanın paytaxtı Tallində taekvondo üzrə böyüklər arasında Olimpiya çəki dərəcələri üzrə və gənclər arasında Avropa çempionatlarına start verilib.

Apasport.az saytı xəbər verir ki, Azərbaycan Taekvondo Federasiyasından verilən məlumata görə, yarışın ilk günündə Azərbaycan milli komandası aktivinə 3 medal yazıb.

Yığmamızın liderlərindən Cavad Ağayev (68 kq) finala kimi inamla irəliləyib. Lakin həlledici görüşdə məğlub olan taekvondoçumuz gümüş medala yiyələnib.

Gənclərin Avropa çempionatında Səlimə Quliyeva (42 kq) da eyni uğuru təkrarlayıb. O da fəxri kürsünün ikinci pilləsinə yüksəlib. Digər taekvonduçumuz Məhəmməd Həsənli (45 kq) isə 3-cü yerlə kifayətlənib. Nəticədə yığmamız tueburun ilk günü 2 gümüş və 1 bürünc medalla başa vurub.

Qeyd edək ki, Avropa çempionatları 3 gün davam edəcək.

• “Siti” Braziliya millisinin üzvünü istəyir - 80 milyon avronu gözdən çıxarıb
• Fariz Nəcəfov: “Köçürmələr olacaq, narahatçılıq yoxdur” - MÜSAHİBƏ
• "Atletiko" və "Barselona"dan əzmkar qələbə - YENİLƏNİB
• Bir qrup idmançımız Paris Yay Olimpiya Oyunlarına yola salınıb - FOTO
• "Siti"dən möhtəşəm "come back", "Borussiya"dan vacib 3 xal - Yenilənib