Bakıda keçirilən şahmat üzrə Dünya Kubokunda 1/4 final mərhələsinin cavab görüşləri keçirilir. 

Apasport.az saytının məlumatına görə, ilk oyunda Hindistan təmsilçisi Vidit Santoşla heç-heçə oynayan Azərbaycan şahmatçısı Nicat Abasov bu gün ikinci partiyada inamlı qələbə qazanıb. 28 yaşlı qrossmeyster cavab oyununda Vidit Santoşu məğlub etməklə yarımfinala vəsiqə qazanıb.

O, Dünya Kubokunda yarımfinala vəsiqə qazanan ikinci azərbaycanlı şahmatçı olub. Buna qədər 2019-cu ildə şahmatçımız Teymur Rəcəbov ilk dəfə yarımfinalda iştirak edib və həmin il turnirin qalibi olub. 

Qeyd edək ki, Dünya Kubokunda yarımfinal avqustun 19-da başlayacaq. N.Abasovun yarımfinalda rəqibi Maqnus Karlsen (Norveç) - Domaradju Qukeş (Hindistan) cütünün qalibi olacaq.

• David Vilya: İspaniya Millisinin Bombardiri
• Əfran İsmayılov: “Qarabağ” Avropa Liqasında tarix yazmaq istəyirsə...” - MÜSAHİBƏ
• Rəşad Sadıqov: "Usta futbolçuya ehtiyacımız var" - MÜSAHİBƏ
• Premyer Liqa oyunları üçün təyyarədən istifadə edilməsin - TƏKLİF
• Messinin həyatının ən ağır dönəmi – özü açıqladı