Binə Atçılıq mərkəzində Beynəlxalq Çövkən Federasiyasının təsis edilməsi ilə əlaqədar Baş Assambleyanın yekun iclası baş tutub.

Apasport.az xəbər verir ki, 19 ölkədən 29 nümayəndənin iştirak etdiyi tədbirdə əvvəlcə qurumun əsasnaməsinin formatı təsdiqini tapıb.

Sonra federasiyanın digər rəhbər vəzifələrinə seçkilər keçirilib. Səsvermənin nəticələrinə əsasən, Böyük Britaniyanı təmsil edən Anna Holl, türkiyəli Zübeyir Bekiroğlu və mərakeşli Mohammed Moddi federasiyanın vitse-prezidenti seçiliblər.

Qeyd edək ki, ötən gün Baş Assambleyanın iclasında keçirilmiş seçkilərdə Bəhruz Nəbiyev Beynəlxalq Çövkən Federasiyasının prezidenti, polşalı Matsey Miçel Olbriç isə baş katib olub.

• "Bavariya" "Real"ın müdafiəçisi ilə maraqlanır
• Şahin Diniyev: "Avstriya və Azərbaycan futbolu arasında yerlə göy qədər fərq var" - MÜSAHİBƏ
• Hakimlərimiz Açıq Avropa çempionatının oyunlarına təyinat aldılar
• İstanbulda “Qalatasaray”a şok: “Dinamo” ilk xalını qazandı - YENİLƏNİB
• Fransalı müdafiəçi “İnter”də