Tatarıstanın paytaxtı Kazan şəhərində "BRICS Sports Games Kazan 2024" beynəlxalq multi-idman oyunlarına yekun vurulub.

Apasport.az xəbər verir ki, idmançılarımız yarışları 34 medalla başa vurublar.

Qazanılan medallardan 4-ü qızıl, 9-u gümüş, 21-i isə bürünc olub. Azərbaycan oyunlarda medal qazanan 32 ölkə arasında 7-ci yeri tutub.

Oyunların son günündə boksçularımızdan Seyid Seyidov (86 kq) gümüş, Nəbi İsgəndərov (67 kq), Mirşərif Kazımzadə (75 kq), Tural Sarıyev (48 kq) və Vətən Hüseynli (92 kq) bürünc medala layiq görülüblər.

Qılıncoynatmanın sablya növü üzrə oğlanlardan ibarət Azərbaycan komandası gümüş medal qazanıb. Şpaqa üzrə qızlardan ibarət komandamız bürünc medala layiq görülüb.

Cüdoçularımız Musa Huseynli (90 kq) və Camal Feyziyev (+100 kq) bürünc medala sahib olublar.

• Sami Mmae: "Zubir mənə "Qarabağ"ın böyüklüyündən danışmışdı"
• Millimiz 108 xal fərqi ilə məğlub oldu
• Can Uzun Bundesliqa klublarının radarında 
• Elhad Nəziri cəbrayıllı iş adamlarına səsləndi: “Bizə belə soyuq yanaşmasınlar”
• "Spartak"ın sabiq baş direktoru: “Azərbaycan millisi Çerçesov üçün yaxşı seçimdir”