“Bu qrupdan çıxmaq mümkünsüz görünür”.

Apasport.az saytının məlumatına görə, bunu Almaniyanın “Frayburq” klubunun futbolçusu Kristian Günter deyib.

Bundesliqa təmsilçisinin kapitanı Avropa Liqasının qrup mərhələsinin bugünkü püşkatmasını dəyərləndirib. Günter “Olimpiakos”, “Qarabağ” və “Nant”ın yer aldığı qrupun çətin olduğunu etiraf edib: “Pireydə möhtəşəm stadion, inanılmaz ab-hava var. Burada hiss edirsən ki, son illərdə daim çempion olan komanda ilə oynayırsan. “Qarabağ”ı deyil, başqa rəqib arzulayırdıq. Bu, səfər edə biləcəyiniz ən uzun yerlərdən biridir”.

Qeyd edək ki, qrup mərhələsinə sentyabrın 8-də start veriləcək.

• Azərbaycan millisinin Avropa çempionatı üçün heyəti açıqlandı
• Vidadi Rzayev: “Sənədi necə dəyişdiriblər, getsin İlqar Nadiri cavab versin” - Eksklüziv
• Misli Premyer Liqası: “Neftçi”– “Zirə” matçının təyinatları açıqlanıb
• Konfrans Liqasına 1 matçla start
• "Sabah" Çempionlar Liqasına hazırlaşır: Danışıqlar başlayacaq