Azərbaycan milli komandasının hücumçusu Mahir Emrelinin yeni mövsümə hansı komandada başlayacağı hələ ki, dəqiqləşməyib.

“Qarabağ” və “Dinamo”(Buxarest) klublarının transfer siyahısında yer alan Emreli Xorvatiyaya qayıtmağa hazırlaşır.

Apasport.az saytına verilən məlumata görə, 26 yaşlı futbolçu Xorvatiyanın Split şəhərinə yollanacaq. Buna səbəb isə onun şəxsi məşqçi ilə yeni mövsümün hazırlıqlarına başlaması olacaq. Fiziki məşqlər edəcək Emrelinin bundan sonra “Dinamo”nun (Zaqreb) məşqlərinə qoşula biləcəyi gözlənilir.

Xorvatiya çempionu ilə müqaviləsi 2026-cı il iyunun 30-na qədər olan Mahirin hansı komandada oynayacağı məhz bundan sonra bəlli olacaq.

• Dünya çempionatının nümayəndə heyəti Fəxri xiyabanı və Şəhidlər xiyabanını ziyarət edib - FOTO
• Prezident: “Şadam ki, minifutbol komandamızın tərkibi yerli idmançılardan ibarətdir“
• Türk futbolçu karyerasını "İnter"də davam etdirə bilər
• Kadi Borqes Braziliyaya yollana bilməməsinin səbəbini açıqladı
• "Qalatasaray"dan Osimhen üçün 65 milyon avro - "Napoli"nin cavabı