Misli Premyer Liqasının XVI turunda 19 qol vurulub. 

Apasport.az xəbər verir ki, “Sumqayıt” – “Qarabağ” oyununda (1:6) yeddi, “Neftçi” – “Turan Tovuz” matçında (3:2) beş, “Sabah” – “Səbail” görüşündə (4:0) dörd, “Qəbələ” – “Kəpəz” qarşılaşmasında (0:3) üç qol qeydə alınıb. Yalnız “Zirə” ilə “Araz-Naxçıvan”ın dueli qolsuz bitib.

Orta məhsuldarlıq 3,80-ə bərabər olub. Bu, həm 2023/24 mövsümünün, həm də son iki ilin rekordunun təkrarıdır. Cari çempionatın X turunda da 19 qol vurulub. Oktyabrın 20-22-dəki matçların orta məhsuldarlığı 3,80-ə bərabərdir.

Daha yüksək məhsuldarlığa sonuncu dəfə 25 ay əvvəl təsadüf olunub. 2021/22 mövsümünün X turunda 4 oyunda 17 qol vurulub. 2021-ci il noyabrın 6-7-dəki matçların orta göstəricisi 4,25-ə bərabər olub.

• Arda Güler "Fənərbaxça"nı ziyarət edib - FOTO
• Samir Musayev: “Bu, onun səviyyəsinin göstəricisidir” - MÜSAHİBƏ
• Tərlan Əhmədov: “Çempionluq uğrunda mübarizə “Zirə”, “Neftçi” və “Qarabağ” arasında gedəcək”. - Müsahibə
• Azərbaycan üzgüçüsu "Asiya uşaqları" Oyunlarında gümüş medal qazanıb
• Millinin üzvü “Qarabağ”a təklif olunub