Mövsümün ikinci yarısına Türkiyədə hazırlaşan “Qarabağ” növbəti yoxlama oyunlarını keçirib.

Apasport.az saytının məlumatına görə, Azərbaycan çempionu bu gün iki matça çıxıb.

Yanvarın 4-dən Türkiyənin Antalya şəhərində təlim-məşq toplanışında olan Qurban Qurbanovun yetirmələri öncə “Çukariçki” ilə qarşılaşıb. Matç Ağdam klubunun qələbəsi ilə başa çatıb. Kevin Medinanın vurduğu qol Qurban Qurbanovun komandasına qələbə qazandırıb. 

Təmsilçimizin qardaş ölkədəki son sınağı “Poqon”a qarşı olub. Komandamız avrokuboklarda məğlub etdiyi rəqibinə 2:4 hesabı ilə uduzub.

Bu matçlarla “Qarabağ” Antalyadakı yoxlama görüşlərini başa vurub. Məşqlərini Türkiyədə davam etdirəcək Qurbanovun komandası yanvarın 23-də Bakıya qayıdacaq.

Qeyd edək ki, 2023-cü ilin ilk qarşılaşmasında Polşanın digər klubu “Rakuv”la görüşən “Qarabağ” 0:3 hesabı ilə uduzub. 

Yoxlama oyunları
18 yanvar
12:00. “Qarabağ” – “Çukariçki” (Serbiya) - 1:0
Qol: Kevin Medina, 42
“Mardan Sports Complex”

18:30. “Qarabağ” – “Poqon” (Polşa) - 2:4
Qol: Marko Yankoviç, 49. Musa Qurbanlı, 90+5
Qırmızı vərəqə: Ramil Şeydayev – Leonardo Kutris
“Qloria Sports Arena”

• Azərbaycan millisi İsveç yığması ilə indiyədək 4 dəfə qarşılaşıb - Statistika
• Lider "Fənərbaxça"dan xal itkisi - VİDEO
• "Qarabağ" və "Zirə" növbəti dəfə Azərbaycan Kubokunun finalında qarşılaşacaqlar
• La Liqa klubunun yeni baş məşqçisi müəyyənləşib
• "Fənərbaxça" Cekonu ingilis futbolçu ilə əvəzləyəcək - İddia