Çempionlar Liqasının II təsnifat mərhələsi “Qarabağ” üçün uğursuz başlayıb.

Apasport.az saytının məlumatına görə, Qurban Qurbanovun yetirmələri “Rakuv”la Polşadakı ilk oyunda 2:3 hesabı ilə uduzub.

Ağdamlılar Çempionlar Liqasında ilk dəfə qrupa qədərki matçlardan birində bu qədər çox qol buraxıb. İndiyədək I, II, III təsnifat mərhələləri və pley-offda heç bir komanda “Qarabağ”a 2-dən artıq qol vurmamışdı.

Ümumiyyətlə, ağdamlılar Çempionlar Liqasında 3-cü dəfə üç və ya daha çox top buraxıb. “Çelsi” 6 il əvvəl qrupda iki qarşılaşmada 10 qola sevinib – 6:0, 4:0.

Qeyd edək ki, Qurbanovun komandasının avrokuboklarda qrupa qədər 3 və ya daha çox top buraxmasına sonuncu dəfə 4 il əvvələ təsadüf olunub. “Qarabağ” onda Avropa Liqasının pley-offunda “Linfild”ə 2:3 hesabı ilə uduzub.

• Paris-2024-ün finalçıları bədii gimnastika üzrə ustad dərsləri keçiriləcək
• Avropa Liqası: “Beşiktaş”dan ev qələbəsi - YENİLƏNİB
• “Barselona”nın hücumçusunun çənəsi sınıb
• “Neftçi” və “Beşiktaş” arasında əməkdaşlıq protokolu
• "Kəpəz" saxlamaq istəyir, "Araz-Naxçıvan" almaq - "Porto"nun yetirməsinin qərarı