Avropa Liqasının pley-off mərhələsinin ilk oyununda "Olimpiya" klubunun qonağı olacaq “Qarabağ”ın səfər proqramı müəyyənləşib.

Apasport.az saytının məlumatına görə, bunu Ağdam klubunun mətbuat xidməti açıqlayıb.

Azərbaycan çempionu avqustun 23-ü saat 11:00-da Sloveniyaya yollanacaq.
Baş məşqçi Qurban Qurbanovun avqustun 23-ü yerli vaxt ilə 19:15-də (Bakı vaxtı ilə 21:15) mətbuat konfransı başlayacaq. 

Media nümayəndələrinə nəzərdə tutulmuş 15 dəqiqəlik açıq məşq isə yerli vaxt ilə 19:30-da (Bakı vaxtı ilə 21:30) başlayacaq. Hazırlıq prosesi matçın oynanılacağı “Stojitse” stadionunda baş tutacaq.

Qeyd edək ki, “Olimpiya” – “Qarabağ” oyunu avqustun 24-də keçiriləcək.
 

• PFL rəsmisi: "Superkubok aktual müzakirə mövzusu deyil"
• Dünyanın ən bahalı 10 müdafiəçisi: İlk 2 pillədə "Siti" imzası
• Millimiz "IHF Trophy" beynəlxalq turnirinin hazırlığının son mərhələsinə start verib
• 4 güləşçimiz finalda
• Azərbaycanın U-20 basketbol millisi ilk dəfə Avropa çempionatında çıxış edəcək