"Qarabağ”ın iki futbolçusu yubiley qolunu vurub. 

Apasport.az saytının məlumatına görə, bu, Misli Premyer Liqasının XIX turuna təsadüf edib. 

“Turan Tovuz”la görüşdə hesabı açan Musa Qurbanlı Ağdam klubunun formasında 25-ci dəfə fərqlənib. 21 yaşlı hücumçu Premyer Liqada 22, Azərbaycan kubokunda 3 dəfə rəqib qapılarına yol tapıb.

Bu matç həm də Qurbanlının “Qarabağ”da yubiley görüşü olub. 50-ci dəfə meydana çıxan forvard çempionatda 36, kubokda 5, avrokuboklarda 9 dəfə şans qazanıb.

“Turan Tovuz”la görüşdə ağdamlıların ikinci qoluna imza atan Ramil Şeydayev komandasında 30-cu dəfə fərqlənib. O, Premyer Liqada 23, kubokda 4, avrokubokda 3 dəfə qol sevinci yaşayıb.

Qeyd edək ki, “Qarabağ” bu səfər qarşılaşmasında 3:2 hesablı qələbə qazanıb. 

• Canni de Byazi: “İndi qol vurmağa, nəticə qazanmağa başlamalıyıq” - MÜSAHİBƏ
• Azərbaycan Moldova üzərində qələbə qazanıb
• Yens Anderson: "Öz oyunçularımızı yetişdirmək istəyirik"
• Türkiyəli mütəxəssis "Xankəndi" klubunun baş məşqçi vəzifəsindən ayrılıb
• Lisenziya turnirində iştirak edən boksçularımız Vətənə qayıdıblar