“Zirə” Rəşad Sadıqovun rəhbərliyi altında 50-ci qələbəsini qazanıb. 

Apasport.az xəbər verir ki, bu, həm də baş məşqçi karyerasında yalnız bir klubu çalışdıran 41 yaşlı mütəxəssisin 50-ci uğuru olub.

Yubiley Azərbaycan kubokunun 1/8 final mərhələsinə təsadüf edib. Qəsəbə klubu ev oyununda 2:1 hesablı əzmkar qələbə qazanıb.

Sadıqov 2020-ci ilin yayından rəhbərlik etdiyi “Zirə”ni ümumilikdə 125-ci matça çıxarıb. Paytaxt təmsilçisi onun rəhbərliyi altında 26 dəfə evdə, 24 dəfə səfərdə qalib gəlib.

Sadıqovun baş məşqçiliyi altında ilk qələbə 2020/21 mövsümünə təsadüf edib. “Qartallar” 2020-ci il sentyabrın 12-də Premyer Liqanın “Səbail”lə səfər oyununda 2:1 hesabı ilə qalib gəlib.

• "Araz Naxçıvan"ın Çempionlar Liqasında rəqibləri müəyyənləşdi
• Montella: "Futbolçularımın "türk ürəyi" ilə oynamaları məni qürurlandırır"
• Azər Bağırov: "Neftçi" "Sabah"a uduzsa, avrokuboklardan kənarda qala bilər" - Müsahibə
• İspaniyalı qolkiper “Arsenal” yolunda
• Milli Gimnastika Arenasında daha bir "ustad dərsi" keçiriləcək