"Abşeron"un baş məşqçisi Erhan Toker klubun mətbuat xidmətinə açıqlama verib.

Apasport.az xəbər verir ki, o, "Neftçi"yə qarşı Azərbaycan Basketbol Liqasının XV turunun oyununu dəyərləndirib.

"Fasilə ərəfəsini yaxşı dəyərləndirə bilmədik.Bəzi oyunçularımız Amerikaya yollandılar. Yeni transferimiz Ömər Yavaş yenidən Türkiyəyə qayıtmaq məcburiyyətində qalmışdı. Məşq meydançaları ilə bağlı problemlərimiz oldu. 2 oyunçu komandamıza yeni qoşulub. Ümumi baxsaq, bu oyuna hazırlıq cəmi 3 gün çəkdi. Növbəti matçlarda qələbə qazanmaq üçün mübarizə aparacağıq. Düzdür, komandamız özünə gələnə qədər müntəzəm mövsüm yekunlaşacaq və biz "üçlük"də olmaya bilərik. Yeni oyunçuları heyətə cəlb edəndə sırf ilk "üçlük"də qərarlaşmağı deyil, pley-off və "4-lər" finalına vəsiqə qazanmağı əsas hədəf kimi qarşıya qoymuşuq".

Qeyd edək ki, "Neftçi" - "Abşeron" qarşılaşması ikincilərin 56:80 hesablı məğlubiyyəti ilə yekunlaşıb.

• Semir Bukviç: "Jelezniçar” üçün “Neftçi” ilə qarşılaşma çox çətin olacaq" - MÜSAHİBƏ
• Nadir Nəbiyev: "Nəticədən asılı olmayaraq De Byazi ilə yeni müqavilə bağlanmayacaq" - Eksklüziv
• "Mingəçevir Reqatası-2024"ün proqramı açıqlanıb
• Basketbolçularımız çempionata məğlubiyyətlə start verdilər
• “Milan”da yeni müqavilə